ബൂലോഗ മീറ്റ് (ഒരു ബ്ലോഗെഴുത്തുകാരന്റെ ബര്‍ത്ഡേ പാര്‍ട്ടി അല്ല)

മലയാളത്തില്‍ ബ്ലോഗെഴുതുന്നവരുടെ സംഗമം നടത്തണമെന്ന ആശയം മുന്നോട്ടു വച്ച് പച്ചാളമിട്ട പോസ്റ്റിന്റെ അനുബന്ധമായി വേണം ഈ പോസ്റ്റിനെ വായിക്കാന്‍.

മുന്‍പത്തെ പോസ്റ്റും അതിന്റെ കമന്റുകളും പിന്നെ പച്ചാളം എനിക്കു മെയില്‍ ചെയ്ത ഒരു പടവും കൂട്ടിച്ചേര്‍ത്ത് വായിച്ചപ്പോള്‍ എനിക്ക് തോന്നിയത് ഇതാണ്:

“മീറ്റ് എന്നു പറഞ്ഞാല്‍ ഒരു വ്യക്തി നടത്തുന്ന ഒരു സ്വകാര്യ പരിപാടി മാത്രം. അത് നടന്നാല്‍ ഇന്ന തീയതികളിലാണെങ്കില്‍ ഞങ്ങളുണ്ടാകും, ഇന്ന തീയതി ഉണ്ടാകില്ല” എന്ന് ഞാനടക്കമുള്ള ബ്ലോഗെഴുതും മലയാളികള്.

‍അല്ല ചോദിക്കട്ടെ, ഇതിങ്ങനെ തന്നെയാണോ നടത്തേണ്ടത്?കൊച്ചീലും പരിസരത്തും ഓരോ കമ്പ്യൂട്ടറിന്റെ മുന്നീ കുത്തിയിരുന്ന് കമന്റിടുന്ന ബൂലോഗരേ, നാണം വേണം, നാണം.

ഇത് നടത്തണമെന്നു ആഗ്രഹമുള്ളവരോട് ഒരു സജഷനുണ്ട്:

എങ്ങനെ, എപ്പോള്‍, എവിടെ വച്ച് എന്ന് കൂടിച്ചേരണമെന്ന് കൊച്ചിയിലോ പരിസരങ്ങളിലോ ഉള്ളവര്‍ അവരവരുടെ അഭിപ്രായങ്ങള്‍ കമന്റായി ഇടൂ, എന്നിട്ട് ഭൂരിപക്ഷാഭിപ്രായം കിട്ടുന്ന ആശയം നടപ്പാക്കാന്‍ കൂട്ടായി ശ്രമിക്കൂ. അല്ലാതെ ആരേലും എല്ലാം ചെയ്തോളുമെന്ന് കരുതി കയ്യും കെട്ടി മോണിറ്ററില്‍ നോക്കിയിരുന്നാല്‍ പൊന്നു ബൂലോകരേ, കൊച്ചിയില്‍ മീറ്റ് നടക്കില്ല. പറഞ്ഞില്ലേ, ഇത് ഒരു വ്യക്തിയുടെ ബര്‍ത്ഡേ പാര്‍ട്ടിക്കുള്ള ക്ഷണമല്ല.